Østfold herrebunad med blå jakke
Østfoldbunaden for menn er staseleg med lang blå jakke (eller kvit) i vadmel med turkise kantar. Vest i smale eller breie striper eller i kalemank og svarte bukser.Her blir det brukt ein høgare hatt som liknar ein flosshatt, kvite strømper, skjerf og hoseband. Ein kan også velje anna ekstra-tilbehør som kniv og klokke.
Jakke
Jakka er lang, open utan fór, med ståkrage i blå vadmel. Jakka er kanta med turkise ullband.
Bukse
Knebukse med lukeopning i svart klede. Den har to sidelommer, knesplitt og knelinning med spenne.
Vest
Vesten er dobbelspent med slag og ståkrage i raud- og grønstripete ullstoff. Ein kan velje mellom smalstripete eller breistripete vest eller i kalemank.
Strømper
Kvite mønsterstrikka strømper, kan fåast i både handstrikka og maskinstrikka.
Sko
Svarte bunadsko.
Sølv
Det er eige sølv til bunaden.
Anna tilbehør
Hatt og skjerf er valfritt, medan hoseband og bukseselar ofte er nødvendige for å halde bukse og strømper oppe.